أجددنا العظماء تاريخ لاينتهي
متابعه المستشار بطل هلال
تخيل تبقى واقف في مكان عادي جدًا أرض فاضية بيحفروا فيها عشان يعملوا مركز شباب وفجأة تلاقي الأرض فيها حاجة ضخمة بتطلع من تحت التراب مش حجر عادي ولا بقايا مباني قديمة ده تمثال جرانيت تقيل جدًا وزنه يوصل لأكتر من 5 طن، مدفون من سنين طويلة وتحديدا من ايام الفرعنة ومحدش فـ مصر ومحدش كان متخيل إنه موجود أصلًاا
القصة بدأت في محافظة الشرقية تحديدًا في الحسينية مكان اسمه تل فرعون اسمه لوحده يدي إحساس إن فيه حكاية مستخبية تحت الأرض دي لكن ولا حد كان متوقع إن الحكاية تطلع بالشكل ده عمال بيحفروا بشكل عادي تمهيدًا لتسليم المكان لمركز شباب وفجأة تظهر ملامح تمثال ومع كل ضربة حفار الحقيقة بتبان أكتر لحد ما بقى واضح إن اللي تحت ده مش حاجة بسيطة
الصدمة الأكبر إن التمثال طلع مزدوج ومصنوع من الجرانيت وده نوع مش سهل التعامل معاه ولا حتى نقله وده معناه إننا قدام قطعة أثرية تقيلة جدًا سواء في وزنها أو قيمتها، لكن عارف لحد دلوقتي التمثال ده بيجسد شخصية مين ولا راجع لأنهي عصر بالظبط
في لحظة واحدة المكان كله اتحول من حفرة عادية لموقع أثري حساس فرق الآثار نزلت فورًا والإجراءات اتشدت جدًا عشان يتنقل التمثال من غير ما يحصل له أي ضرر وتم بالفعل نقله لمنطقة صان الحجر عشان يبدأوا مرحلة الفحص والترميم واللي هي أهم خطوة عشان نفهم إحنا قدام إيه بالظبط
اللي بيحصل ده مش مجرد اكتشاف وخلاص دي حكاية بتتكرر كتير في مصر إن الأرض فجأة تكشف عن سر جديد كل مرة بنفتكر إننا عرفنا كل حاجة عن تاريخنا يطلع لنا اكتشاف يقولنا لسه في كتير مستخبي تحت التراب
0 تعليقات