يا بيه فيه لعب كبير
واللعب جايب نتيجة
الصح بقا مكروه
ف دنيا ملهاش قيمة
بشوف اللعب ساعات
من حد فاكره نبينا
ورع كده ووقار
والعيبة عنده مُصيبة
مذهول مصدوم قرفان
من لعب الكبار الشيبة
داخل البيوت يا سلام
عايشين دور الفضيلة
وخارج البيوت سلاطين
رقص وطرب وموسيقى
وانا عيل كده كحيان
أبوية قالي نصيحه
خليك ياواد صريح
تعيش ف الدنيا بهيبه
لا تلعب لعب عيال
ولا تمشي جوه الحيطه
طول مانته ماشي ف النور
ما تخاف من دنيا رخيصه
خُدني ياواد مثال
وشوف بعينيك الحقيقة
ف الصح قولي تمام
والغلط قولي دا عيبه
ٱه من لعب الكبار
والكدب كل دقيقة
خلوا الوسواس ف الراس
وأنا شكي حباله طويلة
يا بيه فيه لعب كبير
قصيدة عامية من أرض الواقع
بقلمي/ جمال حلمي ابراهيم عامر
.............................. ................
0 تعليقات