اللواء سامي دنيا يكتب رسالتي التحفيزية لمباراة الفراعنه مع كوت دفوار

 

 رسالتى النارية التحفيزية لشحن الروح المعنوية والاعداد والتجهيز لمبارة منتخب مصر و كوت دفوار

دى رسالتى للجهاز الفنى لمنتخب مصر كتبتها عصر امس ووصلت المغرب  جاء فيها:

 طريق البطولة يبدأ من هنا… من الدفاع!

مش اللي بيكسب بطولة هو اللي بيهاجم أكتر اطلاقا….اللي بيقفل وراه صح… هو اللي يرفع الكأس ان شاء الله.

 الدفاع = صمام الأمان

 •لازم نطمن على الخط الخلفي

 •تركيز… التزام… وهدوء أعصاب

 •أي رعونة = إنذار مش مطلوب 

 •أي تهور = كارت أحمر مش مطلوب

 • وكلها مشاكل بتحصل في نص  

        الملعب بدون أي داعي!

 حارس المرمى = نصف البطولة

 • التاريخ بيقول كده

 • نهائيات حسن شحاتة ربنا يشفية….

           مع كوبر وكيروش

 كان عندنا حارس أسطوري ودفاع من حديد والنتيجة؟

 وصول نهائي بطولات

 الهجوم؟ آه… بس بذكاء

 •مش محتاج عدد كبير

 •محتاج سرعة

 •شراسة

 •استغلال أنصاف الفرص

 •هدف بدري يكسر الخصم نفسيًا ويخليه يلعب تحت ضغط

 بلاش فرح بدري

 •البطولة مش صورة سيلفي

 •البطولة نفس طويل

 •البطولة تركيز لآخر دقيقة

 الروح القتالية = السلاح السري

 •ودي حتة حسام حسن

 •مفيش شك إنه هيولّعها روح وإصرار

 •ومعاها لياقة بدنية عالية

 •وده واضح إن المنتخب مميز بيها 

        البطولة دي

 شهادة حق من الكاف

 •موقع الكاف قالها صريحة:

 المنتخب المصري استعاد روح البطل لأول مرة من زمن طويل

 الخلاصة:

 •الموضوع مش معقد

 •3 مباريات صعبين

 •بس نقدر عليهم

 لو خططنا صح

 واشتغلنا صح

 وركّزنا صح

‏ بإذن الله… الكأس لمصر 

108 مليون مصرى فى ضهركم والايادى مرفوعة بالدعاء والحناجر صوتها الى عنان السماء …… اعملوا اللى عليكم بأقصى قوة وعنيكم على مصر واسمها مصر  الام والسند والملجأ لكل محتاج وربنا معكم.

(( وصلت؟… ولا نقول كمان ؟ ))

 اللهم انصر مصر اللهم فرح مصر والمصريين اللهم وفق مصر والمصريين والحمد لله رب العالمين …… وإذكروا الله كثيرا لعلكم تفلحون.