الحنية رزق
بقلم رفيده الشافعي
بجد الناس الحنينة نعمه كبيره ورزق الحنية حاجة لابتتباع ولابتشترى اللى فى حياته حد حنين يمسك فيه يحافظ عليه يريحه عشان الناس الحنينة دى بتبقى حساسة زى ما بيقولوا اتقى شر الحليم إذا غضب مش معنى إنه حنين وبيدعمك بكل شئ حلو ترد ده بالسلب بالعكس خلى الحنينة معاك تجيب حنية .
الناس الحنينة للأسف مش كتير،مشاغل الحياة ومتاعبها فرضت علينا أعباء ،والناس الحنينة هى بس اللى بيبقى معاها مفتاح تخفيض الأحمال.
هى اللى بتشيل عنك من غير ماتطلب هي اللي بتشيل الهم بدل منك بتشاركك افراحك واحزانك ،لو الدنيا حواليك نار هى بتطفئ النار ديه.
سواء بقى الحنين ده أبوك أمك اخوك أختك جارك صاحبك مديرك إبنك أو بنتك.
الناس الحنينة تقابلك بترحاب وبوجه بشوش مهما كان جواها من متاعب وأوجاع ،تلاقيها دائماً تبث ليك الأفكار والمشاعر الإيجابية تنور لك دنيتك وتحببك في كل حاجة حواليك الحنية لها أشكال كثير .
النظرة الحنينة الحضن الحنين الضحكة الحنينة أقولكم على حاجة ممكن بعضكم يستغربها ويضحك عليها في الأكلة الحنينة اللى معموله بحنية وبمزاج وأحلى وأغلى حنية الكلمة الحنينة.
ووصفها القرآن بالكلمة الطيبة أصلها ثابت وفرعها في السماء .
وفى كمان أماكن حنينة زى بيت العيلة اللى بيجمع الكل .
نعم ومنح من ربنا أن يكرم حد بالحنية الأخلاص والصدق في المشاعر بيوصل اللى بيحب كثير بس مش كتير حنينين.
ياجماعة تعالوا نرجع الحنية تانى تعالوا دى ربنا رب قلوب عالم أنت بجد بتحب الخير وصادق فى مشاعرك وخايف على اللى حوليك ولا لأ.
خلى الحنية تملأ البيوت من تاني والدفئ فى المشاعر بلاش اتهام النيات عمر إثبات الشخصية ولا سمع الكلام بالعنف، بالعكس الحنية باب للخير والأمان والسعادة إنك تطمن اللى معاك وتريحه ده مش صعبة إنك تمسك نفسك وتغير العبوس اللى مالى حياتنا بضحكة تفاؤل و أمل دى شئ جميل السعادة هتلاقيها في الحنية أوعى تيجى على واحد شخصيته مهزوزة أو ضعيفة لأنك ماتعرفش إيه الظروف اللى مربيها قول الحمد لله دايما ربنا يزيدك من فضله ابعدوا اليأس عن حياتنا والطاقة السلبية وقولوا مرحباً للحنية.
0 تعليقات